ما معني تاريخ صلاحية الدواء وكيفية التعامل مع الدواء وتخزينه بعد فتحه

السلام عليكم و رحمة الله.. النهاردة حابب أتكلم عن موضوع مهم جدا و موجود في كل بيت و للأسف مش كتير يعرف عنه و هو صلاحية الأدوية بعد فتحها .. مفيش بيت إلا و التلاجة فيها أدوية من أيام الطفولة و عايشة معانا طول العمر.. 

طب مبدأيا كدة الأول نفهم يعني إيه تاريخ الصلاحية بيرمز لإيه؟؟ 

ماذا يعني تاريخ انتهاء الصلاحية؟

يشير تاريخ انتهاء الصلاحية ، الذي ينص عليه القانون في الولايات المتحدة ، والذي بدأ في عام

 1979 ، إلى التاريخ الذي يضمن فيه الصانع كامل الفعالية وسلامة الدواء...ركز

 ( يضمن كامل الفعالية ) .

في وقت انتهاء صلاحية الدواء ، يجب أن يكون الدواء على الأقل 

90 ٪ من القوة الأصلية في ظل ظروف التخزين المناسبة....ركز 

تانى يبقي شرط أساسى ( التخزين المناسب )

تاريخ الصلاحية يرمز إلي الدواء و هو مقفول متخزن محدش لسة استخدمه.. طب هل لو استخدمته هفضل

 معتمد علي التاريخ المكتوب و يفضل الدواء صالح لحد التاريخ دة ؟؟؟؟

لا طبعا و هنا المشكلة إني الدواء بيبقي مصدر الضرر مش المنفعة ف نستنتج من كدة إني بعد فتح الدواء. 

يصبح تاريخ الصلاحية مختلف و بيبقي له تعامل خاص و تخزين معين.. تعالوا نشوف أمثلة و ازاي نتعامل مع 

كل دواء بعد فتحه.. بسم الله

** أدوية المضاد الحيوي الشراب.. بعد تحلية البودرة ينفع استخدامه لمدة من ٧ إلي ١٠ أيام فقط و لازم 

لازم لازم يتخزن في درجة حرارة قليلة في التلاجة..

**أدوية الشراب العادية.. يمكن استخدامها فقط لمدة ٣ شهور بس من فتحها و تخزن في التلاجة و بعد كدة تترمي 

**أدوية الشراب المعلقة يمكن استخدامها فقط في خلال شهر من تاريخ الفتح و يخزن في التلاجة 

 **نقط الأذن و الآنف.. تستخدم لمدة شهر واحد فقط لكن نقط العين تستخدم لمدة أسبوعين إلي ثلاثة فقط نظرا لاحتمالية حدوث نمو بكتيري رغم وجود مادة حافظة benzalkonium

**قطرة ال chloramphenicol. وهي مضاد حيوي  تستخدم لمدة ٢٠ يوم

**الأقراص و الكبسولات في علب بلاستيك أو زجاج تستخدم لمدة ٦ شهور أما الأقراص المغلفة لا تفسد

**الحبوب الفوارة صالحة لمدة شهر واحد فقط من فتحها

**المراهم الجلدية من شهر إلي ٢ لكن مراهم العين شهر واحد فقط

**شراب الحديد و الفيتامينات بيغمق لونه بعد ما بيتفتح و ينفع استخدامه لمدة ٣ أسابيع فقط و كذلك نقط ال vidrop

*محلول العدسات يمكن استخدامه لمدة ٣ شهور بعد فتحه 

يا ريت منستهونش ولا نستخسرتمن الدواء لاني فعلامشاكل استخدام الدواء ب صورةخاطئة قد تؤدي لمشاكل

 كبيرة انت في غني عنها تماما مثال بسيط جدا  لسوء استخدام قطرةعين منتهية الصلاحية  او اتخزنت غلط

يا رب أكون قدرت أفيدكوا.. زكاة العلم نشره متوقفش المعلومة عندك 

استفيد و شيرعشان غيرك يستفيد

تمنياتي لكم ب دوام الصحة و العافية

د/ أحمد عصام