السلام عليكم كيف الحال يا شباب .. انتشرت الفترة الأخيرة كلام و تساؤلات و جدل كتير جدا عن death stranding
و دة اللي كان متوقعه مخرج و مصمم اللعبة الياباني HIDEO KOHJIMA مسبقا اني دة هيبقي رد الفعل اللي هيحصل فور نزول اللعبة و لكن علي الرغم من كدة في هي مرشحة ل جائزة افضل لعبة ب العامGAME OF THE YEAR 2019
اللعبة حصرية علي ال PS4 و لكن هتتوفر علي الPC في اخر 2020
مبدأيا اللعبة فكرتها بدون أي حرق انك عايش في زمن بعد انتهاء و دمار العالم و اصبح جماعات بسيطة من البشر متفرقة عايشين و لكن هناك صعوبة في التواصل بينهم و قلة موارد و صعوبة التواصل او الحركة نتيجة دمار الكوكب
مهمة البطل هي عبارة عن هو صاحب شركة اسمها BRIDGES هدفها الوحيد هو ك وسيلة اتصال متحركة بين هذه المجموعات عن طريق التنقل ب البضاعة و الموارد من نقطة الي نقطة .. القصة هتدور اثناء التجول و التنقل علي الكوكب و طبعا هي مش بالسهولة ديه الكوكب شبه متدمر و بيئة غير منتظمة و مناخ و مصاعب هتواجهك اثناء اللعب .. اللعبة قد تبدو فكرتها بسيطة الا انها صعبة جدا و معقدة للغاية ب شكل غير عادي .. القصة ممكن متفهمهاش من اول مرة و دة عيب من عيوب اللعبة الحقيقى انها غامضة
اللعبة فيها تصميم ديناميكي رائع و محترف .حركية الشخص مرنة جدا و الجرافكس و الرسومات خيالية و لكن علي الرغم من كدة الا اني الحركة صعبة جدا و معقدة يعني مثال بسيط انت هتنقل موارد و بضاعة من مكان لمكان تاني و هتعدي علي جبل او هضاب .الحركة عليهم و التوارزن بتفرق جدا لانك ممكن تقع من الجبل او تتكعبل لو توازنك يختل ف الباضاعة تتكسر ف انت فعلا عايش التجربة و لازت تحافظ علي اتزانك و انت ماشي و لكن هي صعبة و معقدة جدا
اما ب النسبة لل fights ف هي نوعا ما جيدة و مميزة و لكن هي مش احسن حاجة لانه مش دة غرض اللعبة و لكن اقدر اقول انه مستوي مقبول و ممتعة و فيها اختلاف ك عادة المخرج دائما
اللعبة عالم مقتوح و زي ما قلنا اني انت بتلعب في زمن الكوكب فيه شبه اتدمر ف انت ليك مطلق الحرية انك تبني و تعمر في المكان و الميزة انها multiplayer يعني ممكن اي حد بيلعب اللعبة يساعد و يبني معاك و تسهلوا علي كل اللي بيلعبوا مهمات النقل و لكن بردو فيه الوجه الاخر اني ممكن اي حد يكسر و يخرب اي بناء او منشأة ليك للاسف
تجميعة للي قلناه .. اللعبة تستاهل التجربة فعلا و هي نوعية العاب مينفعش تقارنها مع لعبة تانية لانها مختلفة و ليها طريقة لعب و قصة مختلفة .. البعض انبهر بيها جدا و البعض حس انها مملة جدا لانها معتمدة علي مبدأ التنقل فقط ..اما ب النسبة للقصة ف هي معقدة جداجدا و فيها تفصايل و ربط ب الاحداث مش طبيعي جايز دة يكون ميزة او عيب.
اخر نقطة و ديه لا اختلاف عليها اني حرفيا الرسومات و المناظر الطبيعية و البيئة ملهاش حل و الجرافكس فعلا ممتازة و طريقة الاخراج و العرض بجد مبهرة جدا لازم نشيد بيها
اتمني يكون ال review عجبكم و قولولي في التعليقات رأيكوا في اللعبة
سلام يا شباب
0 تعليقات